نفسك تسافر ألمانيا وتشتغل هناك ؟ اقرأ البوست ده.
نفسك تسافر ألمانيا وتشتغل هناك ؟
<script data-ad-client="ca-pub-8797374364708256" async src="https://pagead2.googlesyndication.com/pagead/js/adsbygoogle.js"></script>.
المقالة دي كتبها AMR ABD EL GAYED عن تجربة في ألمانيا بخصوص الشغل والدراسة والإقامة هناك، اقرأوها هتستفيدوا منها 
أما كنت في برلين أخدت محاضرة بتتكلم عن إزاي ممكن تاخد إقامة وتستقر في ألمانيا من خلال واحده من 8 طرق ممكن تعملها وتعيش هناك .<script data-ad-client="ca-pub-8797374364708256" async src="https://pagead2.googlesyndication.com/pagead/js/adsbygoogle.js"></script>
ركز معايا 8 طرق مش 8 خطوات يعنى بتختار واحده بس منهم تكون مناسبة مع ظروفك وتعملها علشان ربنا يكرمك وتوصل إن شاء الله .
ملحوظة: اللي اداتنا المحاضرة دي واحدة زميلتنا من مقدونيا عايشة هنا فى ألمانيا أكتر من 8 سنين يعني تقريباً كل نقطة أو طريقة هي قالتها ، هي جربتها بنفسها أو علي الأقل تعرف حد جربها.
- الاول قبل ما اتكلم في اي حاجة أنا اما بكون عاوز أطلع تصريح إقامه بطلعة منين ؟ (حاجة علي الهامش)
- من Foreigners affairs office اللي فى برلين ولازم أروح علي الساعة 2 صباحاً . أيوة 2 الصبح علشان أحجز مكان في الطابور لإنك هتلاقي ناس كتير أوي هناك وعاوزة تعمل إقامة زيك .
- طيب إيه نوع الإقامة اللي بطلعها ؟
- إقامه عمل أو دراسه أو تدريب أو برنامج خدمة التطوع الاوروبيه EVS) European voluntary service)
- خلى بالك أنا بتكلم عن إن أنا خلاص جيت ألمانيا وعاوز أعد أكتر من 3 شهور هناك وعاوز أجدد الإقامة. أو انا لسه في مصر وعاوز ادور علي فرصة ليه هناك في ألمانيا.
تمام نيجي بقي لل 8 طرق اللي من خلالهم أقدر أقدر أعيش في ألمانيا :
1-Work
-ألمانيا أكتر دولة متوفر فيها فرص عمل للمهاجرين من خارج الاتحاد الأوروبي بلا منازع. أكبر سوق عمل في أوروبا هو ألمانيا بواقع 41 مليون عامل وتقني،و رغم كده محتاجين عمالة ماهرة و متخصصين في كافة المجالات،لأن في ال 25 سنة الجايين سوق العمل هيفقد 9 مليون شخص،وده اللي خلي ألمانيا تطلق حملة رسمية اسمها make it in Germany من 2013 لجذب النابهين والحرفيين المهرة..
وأطلقت نظام جديد اسمه البطاقة الزرقاء Blue Card زي الجرين كارد الأمريكاني..عشان تجيب المهندسين المتميزين والمبرمجين والأكاديمين من بلادهم برواتب وعقود مغرية..
مزاياها انك بتاخد اقامة مفتوحة بعد مضي 3 سنين من شغلك، ولو متجوز تجيب مراتك،ولها الحق في فرصة عمل حتي لو مش بتعرف تتكلم ألماني.و ممكن تكسر الاقامة وترجع بلدك سنة ونصف بدون ما تسقط عنك،ترجع وتشتغل تاني،وبعد 3 سنين من شغلك،ممكن تشتغل في اي بلد أوروبي تاني،لأنك ممكن تطلع هناك برضه البطاقة الزرقاء..
الويب سايت ده بتاع make it in Germany عليه كل المعلومات عن وضع سوق العمل،والفرص ،والمعاهد اللي بتقدم تدريب،وخطوات واجراءات السفر..كل شئ ممكن تتخيله من الألف للياء ..
http://www.make-it-in-germany.com/en/
علشان تشتغل في ألمانيا قدامك طريقتين :
الاولي إنك تكون عارف شركة بعينها أو عارف حد فيها وتبعتلهم بشكل مباشر .
الطريقة التانيه إنك تدور من خلال مواقع التوظيف الألمانيه ودي هتكون من خلال المواقع دي :
-المواقع دي تحتوي بالتفصيل الممل علي كل فرصة عمل موجودة..مهندسين،مبرمجين،ممرضات،ممرضين،وحتي مربين الأطفال وهي مهنة مطلوبة جدًا هناك..
http://www.praktikum.de/german/
http://www.stepstone.de/
http://www.monster.de/
http://www.yourfirm.de/
http://www.stellenanzeigen.de/
http://karriere.unicum.de/
http://de.gigajob.com/index.html
https://www.arbeitsagentur.de/
وأنت بتقدم لازم تكون محضر الأتي :
1-سيرة ذاتية CV
2-خطاب تحفيزي Motivation letter
3-خطاب توصية Recommendation letter
4-شهاداتك Certificates
ملحوظة : لازم يكون كلامك معاهم : 1- واضح Clear .2 – قصير Short . 3– بلاش تتفلسف في كلامك No Philosophy .
4- خلي ورقك هو اللي يتكلم عنك let the paper talk for you .
-ده مثال عن جانب بسيط من فرص العمل المتاحة للمهندسين..
http://www.yourfirm.de/suche/…
-وده لبتوع ال IT
http://www.stepstone.de/jobs--IT--1000000.html
ملحوظة 1:البطاقة الزرقاء مش بس للباحثين عن فرصة عمل داخل ألمانيا من الخارج.لأ حتي لو انت بتدرس هناك،ممكن تخلص وتقدم عليها وهتاخدها بسهولة وتلاقي شغل بعد التخرج،لأنهم مش بيحبوا يسيبوا الناس بعد ما اتعلموا عندهم يشتغلوا في دولة تانية.وعشان كده 30% من اللي خدوا البطاقة الزرقاء بتاعة الاقامة الكاملة في ألمانيا سنة 2013 من الطلبة..يعني لو بتدرس هناك وخلصت هتلاقي شغل وبمرتب مجزي طبعًا..
ملحوظة 2: لو انت مخلص ومعاك بكالريوس ،خش علي الويب سايت ده عشان تعرف ازاي تعادل شهادتك للألمانية..
http://www.anerkennung-in-deutschland.de/html/de/
ملحوظة 3..كل المعلومات عن الفيزا،وشروطها،واستقدام الزوجة وخلافه،هتلاقيه علي موقع السفارة الألمانية..
http://www.kairo.diplo.de/…/__Visastelle__Hauptbereich__ara…
- لو انت طبيب بشري أو لسه بتدرس في الجامعة كلية طب،اعرف أن الباب هناك لسه مفتوح بشكل كبير..أكثر من أي وظيفة تانية.الجروب ده أفضل مكان تعرف منه كل الخطوات من الألف للياء،من أول التخرج لغاية ما توصل مطار برلين عشان تشتغل،ملتقي رائع لتبادل الخبرات والنصائح قائم عليه أطباء مصريين في ألمانيا
https://www.facebook.com/groups/377408505663230/?fref=ts
-ودي مدونة تانيةمفيدة للأطباء الباحثين عن فرصة عمل في ألمانيا مدونة فراس..
http://drferas.com/
-للممرضين والممرضات موقع أرامكو هيساعدك في معرفة فرص العمل المتاحة،والكورسات المطلوبة
http://www.aramccogermany.com/?page_id=5029
بص علي الموقع ده للتأكيد من المعلومات الى أنا ذكرتها:
http://venturevillage.eu/top-new-ways-to-stay-in-berlin-for…
-بعد اما تبعت لشركة وتقبلك علشان تشتغل معاها، ساعتها بتبعتلك العقد عن طريق البريد وبيكون عبارة عن نسختين نسخة ليك ونسخة للشركة علشان انت تمضيه و بعد كده بتصل بالسفارة علشان تحدد معاد المقابله علشان تاخد فيزا عمل والموضوع ده بياخد في حدود من شهرين لاربع شهور علشان تاخد الفيزا وساعتها بتسافر وربنا يكرمك ان شاءالله.
انت بيحدد معاد السفارة من خلال أرقام هاتف مركز اتصالات فودافون:
٠٩٠٠٧٠٦٧٨ أو من أى خط تليفون فودافون على رقم ٢١٠١ .من الساعة 8 صباحاً الي 8 مساءاً.
2-Vocational Job يعني الشغل في أجازة الصيف :
ودي بتبقي للطلبة من جميع أنحاء العالم سواء كان طالب بكالوريوس أو ماجيستير أو دكتوراه .
ودي بتكون مدتها 3 شهور بحد أقصي اللي هي الإجازة الصيفية ودي ميزتها إنك بتاخد مرتب بيوصل ل 1100 يورو في الشهر . بس شرطها إنك لازم تجيب شهاده تثبت إنك طالب في الجامعة . بس أنا عرفت من مصدر موثوق منه إنه كان زمان في السفارة كانوا بيتأكدوا من صحة شهادة القيد بتاعتك إنما دلوقتي بسبب الأحداث الأخيرة والتسهيلات اللى معمولة علشان اللاجئين فمبقوش يدوروا في الموضوع ده يعني أنت لو متخرج من الكلية ممكن تجيب ختم قديم للكلية بتاعتك وإعمله سكانر وإعمل شهادة ليك إنك طالب لسه بتدرس في الكلية بتاعتك لغاية دلوقتي وقدم بيها مش هتخصر حاجة . وأما تروح هناك دور علي فرص تانية بديلة علشان تعرف تكمل هناك .
طيب خطوات التقديم تكون إزاي ؟
1- أول حاجة أكتب التخصص أو الشركة اللي أنت عاوز تتدرب فيها + كلمة Ferienbeschäftigung
2- وساعتها هتطلعك شويه نتايج إختار منها اللي يناسبك وتقدم فيه ولو قبلوك هيطلبوا منك :
- immatrikulation Bescheinigung اللى هي شهادة قيد الكلية.
-Deutschkenntnisse اللي هي شهاده بتاعة اللغة الألمانيه من جوته.
- bewerbung اللي هو الابليكاشن بتاع التقديم.
3- وساعتها اللي بيكملك أوراقك لغايه أما تيجي ألمانيا ZAV ))
-Zentrale Auslands- und Fachvermittlung ( ZAV ) Ausländische أو اسمة المركز الدولي لخدمات التوظيف الخارجية
3 - Study الدراسة :
حوالي 75 في الميه من الجامعات الألمانيه الدراسه فيها ببلاش وتقريباً بتدفع حوالي من 180 -200 يورو في الترم أو السنة كمصاريف إدارية . وبتاخد تذكرة مواصلات لمدة سنة بلاش والدراسه بتكون بالألماني أو الإنجليزي حسب المتاح في الجامعة .
- ممكن تختار الجامعة اللي أنت عاوز تقدم عليها من الموقع دة :
http://www.uni-assist.de/index_en.html
- طبعاً من ضمن الشروط :
1- أنك تكون فاتح حساب في البنك في ألمانيا وموجود فيه في حدود 8000 يورو
2- ولو هتدرس بالألماني لازم يكون معاك شهادة اسمها DAF أو DSH .
3-غالباً التحضير للتقديم للجامعة والقبول بياخد من 6 شهور لسنة .
- طبعاً أما بتكون طالب بيبقي ليك الحق إنك تشتغل وبيكون مرتبك حوالي 600 يورو في الشهر. بتدفع إيجار في المتوسط 200 يورو و تأمين عليك في حدود 50 يورو في الشهر.
-ده بوست أنا عملته بعد أما زرت جامعة برلين شوفه وبص عليه : http://on.fb.me/1ldoPqT
-وده برده فيديو أنا عملته مع دكتور مصري بيشتغل في جامعة أوغسبرج : http://on.fb.me/1SUCYnR
4-Internship أو التدريب في الشركات :
وده بيبقي عبارة عن إنك بتقدم علي تدريب في شركة معينة لمدة من 3 شهور ل 6 شهور وعلي فكرة التدريب بيبقي مدفوع الأجر زيه زي الشغل العادي بالظبط وبتبقي أقل ساعة في ألمانيا طبقاً للقانون الجديد تمنها 8.5 يورو لكل ساعة. وفيه شغلانات بتكون تمن الساعة بتاعها بيكون أكتر زي مهندسين السوفتوير .
التقديم : عن طريق إنك تكتب اسم الشركة او التدريب اللي أنت عاوزة + كلمة Praktikum .
وساعتها هتطلعلك نتايج كتير جداًاختار اللي يناسبك منها وبعتلهم ولو اتقبلت هتتصل بالسفارة علشان تحدد معاد وتمشي في نفس الاجراءات عادي جداً.
5- EVS خدمة التطوع الأوروبية :
ودي بتكون إنك بتقدم علشان تبقى متطوع في أي دوله في الإتحاد الأوروبي من اسبوعين لمدة سنة وبتتعلم فيها لغة البلد وبتكتسب مهارات شخصية كتيره جداً بتخليك تقدر تعيش في البلد دى بعد كده . بس للاسف مش مسموحلك بالشغل أثناء الفترة دى . ممكن تقدم علي الفرص المتاحة من خلال الجروب EVS Egypt
https://www.facebook.com/groups/311696525685568/
وأدخل علي الموقع ده علشان تعرف معلومات أكتر عن ال EVS :
http://mydiary.e-evs.eu/
https://www.arbeitsagentur.de/…/~e…/l6019022dstbai425812.pdf
6-IPS Scholership أو International Parliamentary Scholarship of the German Bundestag :
ودي عباره عن منحة للعمل داخل البرلمان الألماني لمدة سنه وبتاخد فيها 500 يورو في الشهر + السكن والأكل والشرب.
التقديم : كل سنه في شهر يوليو من خلال الموقع ده : http://www.germany.info/IPS
7-Job Shadowing
:<script data-ad-client="ca-pub-8797374364708256" async src="https://pagead2.googlesyndication.com/pagead/js/adsbygoogle.js"></script>
ودي عباره عن منحة من إيراسموس بلس مدتها 21 يوم وفيها إن بيبقى فيه بروتوكول تعاون بين جمعيتين من دولتين زي مصر وألمانيا والجمعيتين بيبعتوا زي تبادل شبابي من جمعية للتانيه علشان يتعلموا عندهم إزاي الشغل ماشي ويرجعوا باللي إتعلموه ده ويطبقوه في جمعيتهم اللي في بلدهم . بس دي هتقدر تقدم عليها من خلال جمعيتك اللي موجوده في مصر ومعتمده من الإتحاد الأوروبي .
8-Making Business in Germany يعنى تفتح بيزنيس في ألمانيا:
ودي عرفتها من اخر مقابلة ليه قبل ما اسيب برلين كانت مع رجل اعمال اسمه "برايك إسماعيل". الراجل ده بقاله اكتر من 25 سنة في ألمانيا، تكفي إني أقولكم إنه رئيس الجالية المصرية في برلين.
الراجل ده اداني معلومة مهمة جداً!!!!
قاللي انت لو عاوز تعمل بيزنس في ألمانيا، كل اللي أنت محتاجة إنك تفتح اي شركة او حتي محل بس بشرط يكون بيشتغل فية 6 اشخاص ورأس المال مايكونشي أقل من ١٥ ألف يورو يعني في حدود 150 ألف جنيه مصري.!!!!
وساعتها بتاخد إقامة دائمة بسبب البيزنيس بتاعك.
-طيب أنا عرفت كل المعلومات دي .أنا محتاج ايه عشان أوصل هناك؟
-تكون شاطر في دراستك طبعًا.لأن المجتمع هناك مفتوح وهيتقتح أكتر بس فقط للمميزين،مش اللي بيدوروا علي فرصة للهجرة وخلاص..
-تعرف لغة ألمانية ودي مش صغبة و محتاجة منك من سنة الي سنة ونصف لو انت مهتم وبتبذل جهد كبير عشان تاخد شهادة B2 من جوته اللي هتفتح الدنيا أمامك .أو ممكن تذاكر من خلال سلسلة الدروس دي لمدرسة من النمسا بتشرح ألماني باللغة العربية : https://www.youtube.com/watch?v=edjxSNZyfNU
تعليقات
إرسال تعليق